အခြေခံသဘောထားချမှတ်ခြင်း၊
“ကျဉ်းမြောင်းသော အမျိုးသားရေးဝါဒသည်၊ ကရင့်တော်လှန်ရေးကို အကျိုး မပြုနိုင်။ လူမျိုးစုံ သွေးစည်းညီညွတ်ရေး ဝါဒကို ကျင့်သုံးရမည်။ ဗမာပြည်တွင်းရှိ လူမျိုး အားလုံးနှင့် ပူးပေါင်းဆောင်ရွက်ရမည်။ ထိုသို့ ပူးပေါင်းရာတွင် တန်းတူမှု လွတ်လပ်မှု ရှိသော အမျိုးသားရေးဝါဒကို ကျင့်သုံးရမည်။
ကရင်အမျိုးသားများ ဆန့်ကျင်တိုက်ခိုက်နေသည်မှာ မြန်မာလူမျိုးမဟုတ်။ ဖဆပလ အစိုးရသာ ဖြစ်သည်။ ဖဆပလ အစိုးရသည် ဗမာပြည်သူ၊ အလုပ်သမား၊ လယ်သမားများအပေါ် ဖိနှိပ် တိုက်ခိုက် နေသည်ဖြစ်၍ အဖိနှိပ်ခံ မြန်မာအလုပ် သမား၊ လယ်သမားများနှင့် ချစ်ကြည်ရင်းနှီးမှုရှိပြီး၊ ပူးပေါင်း တိုက်ရမည်ဖြစ်သည်။ လူမျိုးစုံ သွေးစည်း ညီညွတ်ရေးဝါဒအပေါ် မြန်မာ အလုပ်သမားများနှင့် ရင်းရင်း နှီနှီး ပူးပေါင်း တိုက်ပွဲဝင်ရမည်။
မြေရှင် ပဒေသရာဇ် ဖဆပလ အစိုးရသည်၊ နယ်ခ့ျဲစံနစ်၊ မြေရှင် ပဒေ သရာဇ် စံနစ်၊ မဟာလူမျိုး ကြီးဝါဒကို ကိုယ်စားပြုသော အစိုးရဖြစ်သည်။ သို့သော် ဖဆပလ အစိုးရကို အဓိကထား တိုက်ရမည်။ နယ်ခ့ျဲ ပဒေသရာဇ်နှင့် မဟာလူမျိုးကြီး ဝါဒကို ဆန့်ကျင်သည့် လုပ်ငန်းများကိုလည်း ချမှတ်ရမည်။
ကရင်ပြည်တွင် ကိုယ်ပိုင် ပြဋ္ဌာန်းခွင့်ရှိသော ကရင်ပြည်ကို ထူထောင်ရမည်။ တိုင်းပြည်အုပ်ချုပ်ရေး၊ ဥပဒေပြုရေး၊ တရားစီရင်ရေး အာဏာရှိသော ကရင်ပြည် ဖြစ်ရ မည်။ သီးခြားပြည်နယ်အဖြစ် ခွဲထွက်သည်ထက် ပူးပေါင်းခြင်းက ပိုမိုအကျိုးရှိသည်။ သို့သော်လည်း ပြည်နယ်တိုင်းတွင် လူမျိုးရေး ရပိုင်ခွင့် အခွင့်အရေး အပေါ်တွင် ခွဲထွက် လိုက ခွဲထွက်ပိုင်ခွင့်လည်း ရှိရမည်။
ကရင့်တော်လှန်ရေးတွင် စစ်ရေး ဦးဆောင်မှုကို မပေးဘဲ၊ နိုင်ငံရေးကသာ ဦးဆောင်မှုကို ပေးရမည်။ ဦးဆောင်ပါတီတရပ် ရှိရမည်။ လက်နက်ကိုင် တိုက်ပွဲကာလ ဖြစ်၍ လက်နက်ကိုင် စည်းရုံးရေးသည် အဓိက စည်းရုံးရေးအသွင် ဖြစ်သည်။
ဦးဆောင်ပါတီအောက်တွင် စည်းကမ်းရှိသော တပ်မတော်ရှိရမည်။
အမျိုးသားဒီမိုကရေစီ တပ်ပေါင်းစုတရပ် ဖွဲ့စည်းရမည်။
လူမျိုးများ။
ဗမာပြည်တွင် တော်လှန်ရေး အဖွဲ့အစည်းအားလုံး ပါဝင်သော ပြည်သူ့ဒီမိုကရေစီ တပ် ပေါင်းစုတရပ် ဖွဲ့စည်းရမည်။
ကရင့်တော်လှန်ရေး ဒုတိယလမ်းစဉ်
ပထမလမ်းစဉ်၏ ခ့ျိုယွင်းအားနည်းချက်များကို သုံးသပ်ရာတွင်
၁။ ကျဉ်းမြောင်းသော အမျိုးသားရေးဝါဒ၊ မြန်မာ ဆန့်ကျင်ရေးမုန်းတီးမှု၊ တိုက် ခိုက်မှုများ သည်၊ တော်လှန်ရေးကို အကျိုးမပြုသည့်အပြင် ကရင့်တော်လှန်ရေးကို ပျက်စီး စေနိုင်သည်။
၂။ တိကျ မှန်ကန်သော တော်လှန်ရေး လမ်းစဉ် လုပ်ငန်းစဉ်များ ချမှတ်နိုင်မှု မရှိခြင်း၊
၃။ စစ်အုပ်ချုပ်ရေးကို ချမှတ်ခဲ့ခြင်းကြောင့် တော်လှန်ရေးအခြေအနေနှင့် မကိုက် ညီသည့်အပေါ် ခေါင်းဆောင်(၂)ဦးဖြစ်သူ စောဟန်တာသာမွှေးနှင့် မန်းဘဇန်တို့က အောက်ပါ အတိုင်း ရေးဆွဲခဲ့ကြသည်။
က။ ကရင့်တော်လှန်ရေး၏ ရည်ရွယ်ချက်၊
ခ။ ကရင့်တော်လှန်ရေး၏ အဓိက ရန်သူ၊
ဂ။ ကရင့်တော်လှန်ရေး၏ အဓိက ပစ်ကွင်း၊
ဃ။ ကရင့်တော်လှန်ရေး၏ အင်အားစုများ၊
င။ ကရင့်တော်လှန်ရေး၏ ဝင်ရိုး၊
စ။ ကရင့်တော်လှန်ရေး၏ လုပ်ငန်းစဉ်များတွင် ပါဝင်သော လုပ်ငန်းစဉ်များကို ရေးဆွဲခဲ့ပြီး၊ ၁၉၅၃ ခု၊ ဇွန်လ (၉)ရက်နေ့၊ မြစ်ဝကျွန်းပေါ်ရှိ ဝိန့်ထောင် ကွန်ဖရင့်တွင် တင်သွင်းပြီး ဆွေးနွေး အတည်ပြုခဲ့သည်။ စမ်းသပ် ကျင့်သုံးခဲ့ကြသည်။ ဆက်လက်ပြီး ၁၉၅၄ ခု၊ သြဂုတ်လ (၂၄)ရက်နေ့ လှေဆွဲ ကွန်ဖရင့်တွင်၊ ဤ လမ်းစဉ်ကို ဒုတိယ လမ်းစဉ်ဟု သတ်မှတ်ခဲ့သည်။ လှေဆွဲ ကွန်ဖရင့်တွင် နိုင်ငံရေး၊ စစ်ရေး ဆောင်ရွက် ချက်များကို ပြန်လည် ဆန်းစစ်ခြင်း၊ ပြင်ဆင်ခြင်းများကို ပြုလုပ်ခဲ့သည်။ ဤလှေဆွဲ ကွန်ဖရင့်၌ပင် ကရင့်တော်လှန်ရေး အောင်ပွဲဆင်ရေးအတွက် တပ်ဦးပါတီတခုကို ဖွဲ့စည်းရန် ထို တပ်ဦး ပါတီ၏ အောက်တွင် အမြဲတမ်း တပ်မတော်၊ ပြောက်ကျား တပ်မတော်ကို ဖွဲ့စည်း ရန်ကိုလည်း အဆိုပြုခဲ့သည်။ ကျေးရွာကာကွယ်ရေးတပ်ကိုမူ ဆက်လက်၍ ထားရှိ လေသည်။
၁၉၅၃ ခုနှစ် ဝိန့်ထောင် ကွန်ဂရက်မှ ချမှတ် အတည်ပြု ကျင့်သုံးခဲ့သော ဒုတိယ လမ်းစဉ်ကို ပြန်လည် သုံးသပ်ရာတွင် အောင်ပွဲဆီသို့ ပို့ဆောင်နိုင်သော လမ်းစဉ်ဟု အသိအမှတ် ပြုကြသည်။ ထို့ကြောင့် ဒုတိယလမ်းစဉ်ကို ကော်သူးလေ နယ်မြေများ ဖြစ်သော အရှေ့တိုင်း၊ မြစ်ဝကျွန်းပေါ်တိုင်း အားလုံးတွင် ကျင့်သုံးရန် အမျိုးသား ကွန်ဂရက် တရပ်ကို ၁၉၅၆ ခုနှစ်၌ အရှေ့တိုင်း မောကို ကွန်ဂရက်တွင် ခေါ်ယူပြီး အတည်ပြုခဲ့သည်။
၁၉၅၆ ခုနှစ် ဇွန်လ (၂၆)ရက်နေ့မှ ဇူလိုင်လ(၅)ရက်နေ့အထိ ကျင်းပခဲ့သော မောကို ကွန်ဂရက်တွင် ဒုတိယလမ်းစဉ်ကို အတည်ပြုခဲ့သည်။
ကရင့်တော်လှန်ရေး ဒုတိယလမ်းစဉ်၏ ရည်မှန်းချက်၊
ရည်မှန်းချက် (၁)။ ကရင်အမျိုးသားများ၏ အချုပ်အခြာအာဏာပိုင် ကရင်ပြည် ရရှိရေး။
ရည်မှန်းချက် (၂)။ ဗမာပြည်ရှိ တိုင်းရင်းသား လူမျိုးစုအားလုံး အချုပ်အခြာ အာဏာ ပိုင်သော ပြည်နယ်များ ရရှိရေး။
ရည်မှန်းချက် (၃)။ လူမျိုးစုများ၏ ဆန္ဒအရပူးပေါင်း၍ တန်းတူရေးနှင့် ကိုယ်ပိုင် ပြဋ္ဌာန်းခွင့် အပြည့်အဝရှိသည့် ပြည်သူ့ဒီမိုကရေစီ ဖက်ဒရယ် ပြည်ထောင်စု တည်ထောင်ရန်။
ရည်မှန်းချက် (၄)။ အဆုံးသတ် ရည်မှန်းချက်မှာ ဆိုရှယ်လစ် လူ့ဘောင်ဆီသို့ ချီတက် သွားရန် ဖြစ်သည်။
ကရင့်တော်လှန်ရေး အခြေခံ ရန်သူ။ – နယ်ခ့ျဲစနစ်၊ မြေရှင်ပဒေသရာဇ်စံနစ်။
အဓိက တိုက်ကွင်း။ – ဖဆပလ အစိုးရ။
ကရင့်တော်လှန်ရေး တိုက်ပွဲ သဏ္ဌာန်။ – လက်နက်ကိုင်တိုက်ပွဲ။
စည်းရုံးရေး သဏ္ဌာန်။ – လက်နက်ကိုင် စည်းရုံးရေး။
လက်နက်ကိုင် တိုက်ပွဲသည် အဓိက စည်းရုံးရေး သဏ္ဌာန်ဖြစ်သည်။
အဓိက ဝင်ရိုး။ – မြေယာ တော်လှန်ရေး။
ဒုတိယ လမ်းစဉ်၏ လုပ်ငန်းစဉ်များ၊
၁။ နိုင်ငံရေး လုပ်ငန်း။
ကေအဲန်ယူပါတီကို ကရင့်တော်လှန်ရေးရှေ့ဆောင် တပ်ဦးပါတီအဖြစ်၎င်း၊ ကေအဲန်ယူ အစည်းအရုံးအား ကရင့်တော်လှန်ရေး၏ ကျောရိုးအဖြစ်၎င်း၊ စည်းရုံးဖွဲ့စည်း တည် ထောင်သွားရန်။
၂။ လူမျိုးစုလုပ်ငန်း။
ဒီမိုကရက်တစ် လူမျိုးစုများ၏ ညီညွတ်ရေး အင်အားစုများကို စုပေါင်းပြီး တပ်ပေါင်းစု ဖွဲ့စည်းသွားရန်။
၃။ ဒီမိုကရေစီတပ်ပေါင်းစုလုပ်ငန်း။
ဗမာပြည်အတွင်းရှိ တော်လှန်သော အင်အားစု အားလုံးကို စုစည်းပြီး ပြည်လုံးဆိုင်ရာ တပ်ပေါင်းစုကြီးကို တည်ဆောက်ရန်။
(၄) စီးပွားရေးလုပ်ငန်း။
ပြည်သူ့ဒီမိုကရေစီ စီးပွားရေးလုပ်ငန်းနှင့်အညီ လူတန်းစား (၄)ရပ်အတွက်၊ ၎င်းတို့၏ အကျိုးစီးပွား အသီးသီးနှင့် ကိုက်ညီသည့် စီးပွားရေးပေါ်လစီများကို ချမှတ်ကျင့်သုံးရန်။
(၅) စစ်ရေးလုပ်ငန်း။
ကော်သူးလေ ပြည်သူ့တပ်မတော်ကို ဖွဲ့စည်းရာတွင် တပ်မတော် (၃) ရပ်ကို ထားရှိရန်။
က။ K.P.L.A. (ကေပီအယ်လ်အေ)၊ ကရင်ပြည်သူ့ လွတ်မြောက်ရေးတပ်မတော်၊
ခ ။ K.P.G.F. (ကေပီဂျီအက်ဖ်)၊ ကရင်ပြည်သူ့ ပြောက်ကျားတပ်မတော်၊
ဂ ။ K.N.D.O. (ကေအဲန်ဒီအို)၊ ကရင် အမျိုးသားကာကွယ်ရေးတပ်ဖွဲ့၊
(၆) အုပ်ချုပ်ရေးလုပ်ငန်း။
ရန်သူစိုးမိုးသည့် နယ်မြေများအတွင်း ရန်သူ့အာဏာကို တိုက်ဖျက်ပြီး ကရင့် တော်လှန် ရေး၊ အုပ်ချုပ်ရေး အာဏာကို အစားထိုး တည်ဆောက်ရန်။
(၇) လူမှုရေးလုပ်ငန်း။
ပညာရေး၊ ယဉ်ကျေးမှု၊ ကျန်းမာရေးနှင့် ကယ်ဆယ်ရေး လုပ်ငန်းများကို လုပ်ဆောင် သွားရန်။
(၈) ဘာသာရေးလုပ်ငန်း။
ဘာသာရေးတွင် ဘာသာတိုင်း တန်းတူခြင်းနှင့် လွတ်လပ်စွာ ကိုးကွယ်ပိုင်ခွင့် ရရှိရေး ဆောင်ရွက်ရန်။
(၉) နိုင်ငံခြားရေး ပေါ်လစီ။
နိုင်ငံခြား ဆက်ဆံရေးတွင် အောက်ပါ နိုင်ငံတကာ မူကြီး (၅)ချက်ကို အခြေခံ ကျင့်သုံး ဆက်ဆံရန်။
က။ တနိုင်ငံနှင့် တနိုင်ငံ အချုပ်အခြာပိုင် နယ်မြေကို အပြန်အလှန် လေးစား လိုက်နာ ကြရန်၊
ခ။ တနိုင်ငံနှင့် တနိုင်ငံ ပြည်တွင်းရေးကို ဝင်ရောက် နှောက်ယှက် စွက်ဖက်ခြင်း မပြုရန်၊
ဂ။ နိုင်ငံတခု၏ လွတ်လပ်ခွင့်ကို အင်အားသုံး၍ ကျူးကျော် ခြိမ်းခြောက်ခြင်း မပြုရန်၊
ဃ။ အပြန်အလှန်အကျိုးပြုခြင်း ပူးပေါင်းဆောင်ရွက်ခြင်းများကို တိုးတက်အောင် ဆောင် ရွက်ရန်၊
င။ အပြည်ပြည်ဆိုင်ရာ အငြင်းပွားမှုများကို ငြိမ်းချမ်းသောနည်းဖြင့်သာ ဖြေရှင်း ကြရန်။
IKHRA 